Вячеслав Ким Jusan Bank-ті сатып алуға өтініш берді

Вячеслав Ким Қаржы нарығын реттеу және дамыту агенттігіне Jusan Bank-ті сатып алуға өтініш берді, - деп хабарлайды Massaget.kz тілшісі.

"Jusan Bank акцияларының 97,5 пайызын сатып алуға Қаржы нарығын реттеу және дамыту агенттігіне өтініш бердім. Қазір бұл өтінім қаралып жатыр. Реттеуші өтінімді егжей-тегжейлі зерттегеннен кейін шешім қабылдайды. Бұл мәміленің Kaspi.kz компаниясына қатысы жоқ", - деп жазылған кәсіпкердің ресми мәлімдемесінде.

Айта кетейік, 2023 жылы Jusan қазақстандық юрисдикцияға қайтарылды.

Ким туралы не белгілі?

Вячеслав Ким - Алматының тумасы, экономист, қаржыгер, қоғам қайраткері, Kaspi.kz-тің тең құрылтайшысы, акционері және директорлар кеңесінің төрағасы.

2024 жылы Президент Қасым-Жомарт Тоқаев Kaspi.kz акционерлеріне Қазақстандағы шағын және орта кәсіпкерлікке одан әрі жәрдемдесу бағытында қолдау білдірді.

Өзекті жаңалықтарды өз уақытында оқу үшін Facebook парақшамызға жазылыңыз!