Вьетнамдық студент Хюинь Тхи Тхань Тхюи Жапонияда өткен 62-ші халықаралық "Мисс Интернешнл" сұлулық байқауының жеңімпазы болды, - деп хабарлайды Massaget.kz тілшісі Lenta.ru-ге сілтеме жасап.
Байқауға барлығы 71 елдің өкілдері қатысты. Іс-шара бүкіл әлемдегі көрермендер үшін тікелей эфирде көрсетілді.
Байқау ұлттық киімдегі барлық қатысушылардың дефилесінен басталды. Бұл кезеңде Жаңа Зеландиядан келген 21 жастағы Санта Пул ең үздік деп танылды. Әрі қарай жүргізушілер сахнаға купальник киіп шыққан топ-20 сұлуды жариялады.
Финалда тек сегіз қыз қалды: Боливия, Польша, Чехия, Вьетнам, Индонезия, Испания, Жаңа Зеландия және Венесуэладан келген қатысушылар. Байқау ережелеріне сәйкес олар жүргізушілердің сұрақтарына жауап беруі керек еді.
Вьетнамдық қатысушы қандай жаһандық оқиғалар оның ұрпағының білім беру жүйесіне қатты әсер еткеніне жауап беру керек болды. Ол COVID-19 пандемиясын және онлайн білім беруді дамытуды атады.
Содан соң 20 жартылай финалист көрермендер мен төрешілерге өздерінің кешкі киім үлгілерін көрсетті. Бұл кезең құрлық патшайымдарын марапаттауға дейінгі соңғы кезең болды. Африка патшайымы деп Кабо-Вердені, Америка патшайымы - кубандық кәсіпкер, Еуропа патшайымы - Ирландияның өкілі, Азия патшайымы Жапониядан келген нутрициологқа бұйырды.
Осыдан кейін жүргізушілер арнайы номинациялардың иегерлерін жариялап, соңында жеңімпаздың атын атады. Ол вьетнамдық модель Хюинь Тхи Тхань Тхюи болды.
Тхюи - Вьетнамнан "Мисс Интернешнлде" орын алған алғашқы ару. Ол 2022 жылы "Вьетнам аруы" ұлттық байқауында жеңіске жеткеннен кейін осы байқауға келген. 22 жастағы студент екі университетте оқитыны, ағылшын және корей тілдерін білетіні, модель болып жұмыс істейтіні және экологияны қорғау бойынша еріктілер жобаларына қатысатыны белгілі.
Сұхбаттарының бірінде қыз бұрын ұялшақ, тұйық және көңілшек адам болғанын мойындады. Ол есейген сайын позитивті бола түскенін және эмоционалды түрде жетіліп келе жатқанын жеткізді. Ол отбасын өзінің негізгі тірегі деп атады.
"Мисс Интернешнл" - "Әлем аруы","Ғалам аруы" және "Жер аруы" сияқты төрт ірі халықаралық сұлулық байқауларының бірі. Ол алғаш рет 1960 жылы АҚШ-тың Калифорния штатында өткізілген және 1972 жылдан бері Жапонияда өткізіліп келеді.
Аптаның басты оқиғалары мен пайдалы видеоларды көру үшін YouTube арнамызға жазылыңыз