Ұйқысыздықтан қиналмас үшін күндіз сағат нешеде ұйықтауға болмайды?

Күндіз ұйықтау балаларға да, ересектерге де пайдалы. Алайда түнде ұйқысыздықтан қиналмас үшін сақтау керек ережелер бар, - деп хабарлайды Massaget.kz тілшісі.

Зерттеулерге сай, күндізгі ұйқы есте сақтауды жақсартады, қысымды түсіруге және күйзелісті оңай жеңуге көмектеседі. Сондай-ақ күндіз ұйықтап алатын адамдарда инфаркт қаупі екі есе төмен болады. Алайда күндізгі ұйқының бір маңызды ережесі бар. Оны бұзсаңыз, ұйқысыздық мазалауы мүмкін.

SleepFoundation ұйымының медициналық кеңесшілері ұйықтауға болмайтын нақты уақытты атады.

"Ересектер ұйықтауға сегіз немесе одан да көп уақыт қалғанда мызғып алғаны дұрыс. Бұл көпшілік үшін сағат 15:00-ге дейін. Күндіз ұйықтауға жай жату - түнде ұйқы проблемасына әкелуі мүмкін", - дейді сарапшылар.

Күндізгі ұйқыдан сергек ояну үшін тағы не істеу керек?

Оятқыш қойыңыз

Күндізгі ұйқының 20-30 минут болғаны жақсы. Одан көп ұйықтайтын болсаңыз, ұйқышыл болып оянасыз, ал өнімділігіңіз түсіп кетеді. Себебі ұйқы бірнеше кезеңнен өтеді. Біріншісі - ең жеңіл және қысқа: ол бір минуттан жеті минутқа дейін созылады. Екінші ұйқы кезеңінде бұлшықеттер босаңсиды, ағза қызметтері баяулайды, алайда ұйқы бұл кезеңде салыстырмалы түрде жеңіл. 30 минут өткен соң үшінші кезең - терең ұйқы басталады. Әдетте адамды терең ұйқыда оятып жіберсе, ол ұйқышыл болып тұрады.

Сондықтан күндіз ұйықтамас бұрын оятқыш қойып қойыңыз, ал ол шырылдағанда бірден тұрып кетіңіз. Егер оятқышты кейінге ауыстырып, ұйықтап кетсеңіз, терең ұйқыға батып кетесіз.

Қараңғы ететін жапқыш пен ұйықтауға арналған маска қолданыңыз

Ұйқыңыз келіп тұрса да, күндіз ұйықтап кету қиын болуы мүмкін. Ұйықтап кетуге қолайлы орта - суық, тыныш және қараңғы жер. Ол үшін күн сәулесін өткізбейтін жапқыш және көзге арналған маска көмектеседі.

Оқи отырыңыз: Қыста жақсы ұйықтау үшін мына 3 ережені сақтаңыз

Қызықты жаңалықтар мен видеоларды көру үшін TikTok арнамызға жазылыңыз!