"Ұйқым келмейді". Әнші Желіде қызу талқыланған әнге қатысты пікір білдірді
!["Ұйқым келмейді". Әнші Желіде қызу талқыланған әнге қатысты пікір білдірді](/userdata/news/news_69348/image_l.png)
Желіде "Той думан" арнасында жарық көрген Алина Шакиева есімді әншінің әні қызу талқыланып жатыр. Massaget.kz тілшісі әншіге хабарласып, кім екенін және ән туралы сұрады.
Ол Желіде түрлі пікір жазғандарға қатысты өз ойын айтты.
"Әркімнің өзінің пікірі бар. Бұл - менің екінші әнім. 4 жыл бұрын "Аялаймын" деген әнім шыққан еді", - деді әнші.
Төрт жыл бұрын әншінің "Мен аялаймын" атты әні НА YouTube-арнасында жарық көрген екен.
Алина Шакеева негізгі мамандығын айтты.
"Менің негізгі мамандығым - заңгер. Болашақта кәсіби әнші болып, осы саланы дамытқым келеді. Болашақта жоспарымда тағы да ән жазу бар", - дейді ол.
Сондай-ақ, әнші әннің авторлары кім екенін айтты.
"Ұйқым келмейді" әні өзіме қатты ұнады. Сондықтан автордан сұрап алдым. Әннің сөзін жазған Рамазан Амантай, ал әнін жазған Диана Исмайылова. Дайын әнді алдым, әрине, мәтінін алдын ала оқыдым. Бейнебаян маусымда түсірілді", - деді әнші.
Еске салайық, бұған дейін Желіде белгісіз әншінің әні қызу талқыланып жатқаны хабарланған болатын.
Ж. Қадыржанова