Ұйқы безі қатерлі ісігіне шалдықтыратын алкоголь түрі аталды

Ұйқы безі қатерлі ісігінің дамуының негізгі себептері алкогольді тым көп ішу, сондай-ақ қуырылған, тәтті және майлы тағамдарды жеу. Бұл туралы медицина ғылымдарының докторы, хирург Владимир Трифанов айтты, - деп хабарлайды Massaget.kz тілшісі Life.ru-ға сілтеме жасап.

Оның айтуынша, алкоголь ішкі ағзаларға теріс әсер етеді, ал зиян өнімдер ұйқы безін шамадан тыс жүктейді. Мұндай тағам безді күшейтілген режимде жұмыс істеуге мәжбүр етеді, өйткені ол майлардың, көмірсулардың және ақуыздардың тепе-теңдігін реттейтін секрецияны шығаруға жауап береді. Тұрақты жүктеме оның функцияларын әлсіретеді және онкология қаупін арттырады.

Сарапшы генетикалық бейімділік, семіздік, отырықшы өмір салты және темекі шегу қосымша қауіп факторлары болуы мүмкін екенін айтты.

Панкреатит және II типті қант диабеті сияқты созылмалы аурулар ұйқы безінде ұзақ мерзімді қабыну процестеріне әкеледі, бұл оның қатерлі зақымдану ықтималдығын арттырады.

Ауыр салдардың алдын алу үшін дәрігер үнемі диспансерлеуден өтуді ұсынады. Ұйқы безінің қатерлі ісігін ерте анықтау ауруды жеңу мүмкіндігін айтарлықтай арттырады. Дегенмен белгілер тек онкологияны көрсетпеуі мүмкін. Мәселен, олар басқа да аурулардың белгісі болуы ықтимал, сондықтан білікті маман кеңесін алған жөн.

Айта кетейік, бұған дейін онкологтар ұйқы безі қатерлі ісігінің бірнеше белгісін атағаны хабарланған болатын.

Instagram парақшамызға жазылып, ең қызықты ақпараттарды бірінші болып оқыңыз!