"Үстіне секіріп, тепкілеп, 3 сағат бойы мазақ еткен". Павлодарда жантүршігерлік оқиға болды
!["Үстіне секіріп, тепкілеп, 3 сағат бойы мазақ еткен". Павлодарда жантүршігерлік оқиға болды](/userdata/news/news_88033/image_l.jpg)
Павлодардағы стадионда жантүршігерлік оқиға болды. Бір топ жасөспірім бір баланы соққыға жыққан. Жиналғандар оқиғаны камераға түсіріп алған, - деп хабарлайды Massaget.kz тілшісі Astana TV арнасына сілтеме жасап.
Оқиғаның мән-жайын зардап шеккен баланың құрбысы айтып берді.
"ПМУ стадионына 10-12 адам шақырған. Онда олар оны тығырыққа тіреген, камераға түсіріп тұрып қыздар да, ұлдар да үстіне түкіріп шыққан. Содан кейін мұрнын сындырып, кейін жуынуға мәжбүрлеген. Сосын тыр жалаңаш шешіндіріп, заттарын қоқысқа лақтыртқан", - деп жазады павлодарлық.
Оның айтуынша, барлық оқиға 3 сағатқа созылған. Нәтижесінде жасөспірімнің бірнеше жері сынған.
"Содан кейін олар оны аяусыз соққыға жыққан: үстіне секіріп, тепкілеп, жұдырықпен ұрып, үш сағат бойы мазақ еткен. Оның екі қабырғасын, жақ сүйегін сындырып, басын жарып, сол қолын сындырып, тізесін зақымдаған. Кейін оны ұрған баламен төбелесуге мәжбүрлеген. Оған таңдау жасатқан: не төбелеседі, не саусағынан айырылады. Ол төбелесті таңдады және жеңілді", - дейді ол.
Қыздың айтуынша, ол кезде стадион күзетшісі мас күйде ұйықтап жатқан, басқа адамдар болмаған.
"Мұны көрген адамдар стадион күзетшісіне барған, ол мас күйде ұйықтап жатқан. Бұзақылық кезінде стадионда адамдар болмаған, шамамен 12-17 жас аралығындағы бір топ жасөспірім ғана болған. Ол жерге достары кездейсоқ барып қалған, олар оны киіндіріп, заттарын алып, жедел жәрдем шақырған. Достары келгенше ол қатты соққыға жығылып, тіпті отыруға шамасы келмей жатып қалған. Ол табылған кезде, оны қорлаған жасөспірімдер тобы жоқ болған. Қазіргі уақытта олар жазасыз қалып отыр", - дейді қыз.
Полиция департаменті ҚР Қылмыстық кодексінің 107-бабы 2-бөлігі, 4-тармағы - "Алдын ала сөз байласу бойынша адамдар тобының денсаулыққа қасақана орташа ауырлықтағы зиян келтіру" бойынша соталды тергеп-тексеру жүргізіліп жатқанын түсіндірді. Жасөспірім қазір облыстық балалар ауруханасында жатыр.
Балалардың құқықтарын қорғау комитеті жағдайды бақылауға алды, деп хабарлады Оқу-ағарту министрлігінің баспасөз қызметі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан