"Үстіне отырып алған". Балқаштағы балабақшада адам сенгісіз жағдай болды

Сөйлеу қабілеті бұзылған балалардың ата-аналары Балқаштағы балабақшаға шағымданды. Олардың айтуынша, қызметкерлер балаларын ұрып-соққан, - деп хабарлайды Massaget.kz тілшісі.

Екі бүлдіршіннің ата-анасы балабақшадағы ұрып-соғу мәселесі бойынша шағымданды. Аналар "Ертөстік" балабақшасында тәрбиешінің көмекшісі балаларын ұрып-соқты деп айыптап, видео хабарлама түсірген.

Бүлдіршіндердің бірі былтыр қарашадан бері балабақшадағы арнайы топқа барады. Анасының айтуынша, бала алғашқы күндерінен-ақ бақшаға барғысы келмеген. Бұл мінезінің себебін анасы кейінірек баланың тырналған құлағын тәрбиешіге көрсеткен кезде білген.

"Менің баламның тілі кеш шықты. Оны логопедтер бақылап жатыр, сөйлеуін дамытуға тырысып жатырмыз. Мен оны түзету тобына жібердім. Ол жерге бес бала ғана барады. Маған тырналған құлағын көрсеткен соң, баламда ол топта ренжітетінін білдім. Алдымен бұл тырнақ ізінің қайдан пайда болғанын тәрбиешіден сұрадым, ол білмейтінін айтты. Сосын мен директорға барып, топта орнатылған бақылау камерасының жазбаларын көрсетуін өтіндім. Солай мен күтуші әйелдің балалардың үстіне отырып алған видеоны таптым. Оны көргеннен кейін мұндай жағдайдың көп екенін түсіндім", - дейді ата-ана.

Видеодан алынған кадр

Видеоны көрген ана бірден полицияға арызданған.

"Бейнежазбаларды зерделеу барысында күтушінің жүйелі түрде, тіпті күн сайын менің ұлымды және басқа балаларды мазақ ететініне, ұлымның кеудесінен, жыныс мүшелерінен шымшып, аяқтарын әдейі таптап, пышағын сілкіп, үстіне отыратынына, жастығын тартып алып, ұратынына көз жеткіздім. Баламның стақанына лас қолын салып жіберетінін, балалардың мұрындарын дастарқанға арналған шүберекпен сүртетінін көрдім. Бұл оның тарапынан заң бұзғанының бір бөлігі ғана. Тәрбиешілер мұның бәрін көріп үндемеген. Оның үстіне, тәрбиешілердің бірі де қоқан-лоқы көрсеткен деген күдік бар. Ол баланы камерасы жоқ дәретханаға апарып тастады, сол жерден бала жылап шықты", - дейді ата-анасы. 

Зардап шеккен баланың анасы ашулы, оның мектепке дейінгі мекеме әкімшілігіне көп сұрағы бар. Оның айтуынша, тәрбиешінің көмекшісі жұмыстан босатылған.

Видеодан алынған кадр

"Ол маған балаларға не үшін былай істегенін түсіндіре алмады. Видеодан балалар шу шығарып ойнамаған, бірақ әйел бәрібір оларды ұрып-соққаны көрсетілген. Көбіне олардың топта жүруіне де рұқсат етілмеген, олар отыруға мәжбүр болған, оларға ойыншықтар бермеген. Тәрбиешілердің бірі олармен сабақ жүргізбейді, ол үнемі телефонмен сөйлеседі. Дефектолог та сабақ өткізбейді деуге болады. Оның үстіне, ол балаларды итеріп, тіпті ұрып жіберген. Осының барлығы видеода бар. Бақшада логопед жұмыс істейді, бірақ біздің балалармен жұмыс істемеді. Мен күтушіні заң бойынша қатаң жазалауды талап етемін. Мұндай адамдар балалармен жұмыс істемеуі керек", - дейді ана.

Қарағанды ​​облыстық ПД баспасөз қызметі өкілдері ата-аналардың видеосына қатысты пікір білдірді. Балқаш полиция бөлімінде ата-ананың арызы бойынша ҚР Қылмыстық кодекстің 110-бабы "Азаптау" бойынша қылмыстық іс қозғалды.

"Алғашында қылмыстық іс Қазақстан Республикасы Қылмыстық кодексінің 140-бабы "Кәмелетке толмаған адамды тәрбиелеу жөнiндегi мiндеттердi орындамау" бойынша тіркелді. Осы қылмыстық істі тергеу барысында балабақшадағы видеолар тәркіленді. Кейіннен ҚР Қылмыстық кодексінің 110-бабы "Азаптау" бабына қайта жіктелді. Қазір бұл іс бойынша барлық қажет сараптамалар тағайындалды, оның қорытындысы бойынша процестік шешім шығарылады. Балқаш ІІБ басшылығының бақылауында", - деп хабарлады Қарағанды ​​облысы бойынша ДПД баспасөз қызметі өкілдері.

"Осы дерек бойынша Қарағанды ​​облысының білім басқармасы "Ертөстік" балабақшасының қызметін тексереді. Қызметтік тексеру нәтижесі бойынша кінәлілер қолданыстағы заңнама бойынша жауапкершілікке тартылады", - деп хабарлады Қарағанды ​​облысы білім басқармасының баспасөз қызметі өкілдері.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!