Ұшып бара жатқан ұшақтың есігі ашылып кеткен: зардап шеккендер бар
![Ұшып бара жатқан ұшақтың есігі ашылып кеткен: зардап шеккендер бар](/userdata/news/news_84154/image_l.jpg)
Оңтүстік Кореяда Asiana Airlines әуекомпаниясының есігін жолаушы ашып жіберген, - деп хабарлайды Massaget.kz тілшісі tengritravel.kz-ке сілтеме жасап.
Airbus 321 Оңтүстік Кореяның оңтүстік жағалауында орналасқан Чеджу аралынан Тэгуға ұшқан. Asiana Airlines мәліметтері бойынша бортта 200 адам болған.
Таңғаларлық оқиғаны жолаушылардың бірі телефонына түсіріп алған. Кадрларда қорыққан жолаушыларды көруге болады.
Тэгу өртсөндіру бөлімі мәліметінше, 12 адам жеңіл жарақат алған, тоғыз жолаушы тынысы тарылып, ауруханаға жатқызылған.
Door of Asiana Airlines plane opens in mid-air just before landing in South Korea; 9 people taken to hospital with breathing difficulties pic.twitter.com/rUI6LTRihj
— BNO News (@BNONews) May 26, 2023
Басылым мәліметінше, есікті шығар жерде отырған жолаушылардың бірі ашты деп болжанып отыр. Оқиғаның мән-жайын полиция анықтайды.
Жолаушылар арасында бастауыш және орта мектептің 48 спортшысы болған.
"Балалар дірілдеп, жылады. Есік маңында отырғандар қатты шайқалған болуы керек", - деді спортшылардың бірінің анасы.
Болған жағдайға қарамастан, ұшақ жерге сәтті қонған. Ал кейін күдіктіні жергілікті билік тұтқындаған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова