"Үштік". Министр Ақшолақов өз жұмысына баға берді

Фото: © almaty.tv

29 наурыз 2023, 12:52

Энергетика министрі Болат Ақшолақов Үкімет отставкаға кетуіне байланысты өз жұмысына баға берді, - деп хабарлайды Massaget.kz тілшісі.

VIII сайланған ҚР Парламентінің бірінші сессиясының кулуарында журналистер министрден Үкіметтің жаңа құрамына кіру мүмкіндігі туралы сұрады.

"Білмеймін. Шынымды айтсам, мемлекеттік қызмет қиын жұмыс. Отбасымды да көрмеймін", - деді министр.

Ақшолақов өз жұмысына баға берді.

"Бес балдық жүйе бойынша, екілік болмауы үшін, үштік дәл келуі мүмкін. Өзіңді асыра бағалауға және төмендетуге болмайды", - деді энергетика министрі.

Еске салайық, бұған дейін Үкімет отставкаға кеткені хабарланған болатын.