Ұшақ бортында медициналық көмек қалай көрсетіледі?
![Ұшақ бортында медициналық көмек қалай көрсетіледі?](/userdata/news/news_92983/image_l.jpg)
Ұшақ - қауіпсіздік стандарттарын қатаң сақтау және экипаждарды кәсіби даярлау арқылы ең қауіпсіз көлік түрлерінің бірі болып табылады. Алайда, рейс кезінде жолаушылардың қауіпсіздігі әуе кемесінің дайындығына ғана емес, сонымен қатар олардың денсаулығы мен ұшуға деген физикалық дайындығына да байланысты, - деп хабарлайды Massaget.kz тілшісі tengritravel.kz-ке сілтеме жасап.
Шетелдік зерттеулерге сәйкес, әлемдегі әрбір мыңыншы рейсте шұғыл медициналық көмек қажет болады екен. Сондықтан бортсеріктерді оқытуға міндетті түрде жедел ден қою қажет. Себебі жолаушыларға дәрігерге дейінгі медициналық көмек көрсету маңызды. Еліміздегі әуе компанияларының бортсеріктері жыл сайынғы тренингтерде жүрек тоқтаған кезде жүрек-өкпе реанимациясын жүргізуді де үйренген. Бұл дайындық деңгейі оларды борттағы қауіпсіздік пен қамқорлықтың сенімді сақшыларына айналдырады. Сондай-ақ жолаушыларға ұшуға сенімділік береді
Әуе тасымалы туралы ережеге сәйкес, Қазақстандағы әрбір әуе кемесі борттық дәрі қобдишаларымен және оттегі баллондары мен автоматты дефибрилляторларды қоса алғанда қажетті медициналық жабдықтардың ең аз жиынтығымен жабдықталған. Сондай-ақ бортта кәсіби медициналық көмек қажет болған жағдайда білікті дәрігерлер ғана пайдалана алатын медициналық жинақ болады.
Ұшақ бортында медициналық көмек көрсету біздің елімізде жиі кездеседі. Мәселен, Алматыдан Ыстамбұлға ұшатын рейсте отбасымен бірге ұшқан жолаушы күтпеген жерден эпилепсиялық ұстамаға ұшырады. Борттағы невропатолог пациенттің жағдайын тұрақтандыруға көмектесті. Басқа рейс кезінде жолаушылардың бірі мұрыннан үздіксіз қан кете бастады. Ерікті дәрігерлер мен стюардессалар қан кетуді тоқтата алды.
Фото: Air Astana
Өте ауыр жағдайларда экипаж борттың қонуына дейін немесе қажет болған жағдайда жоспарланбаған қонуға дейін жедел жәрдем шақыра алады. Алматы мен Астана арасындағы рейсте жолаушылардың бірі есінен танып қалды. Бортсеріктер мен борттағы нефролог алғашқы медициналық көмек көрсетіп, оттегімен қамтамасыз етті, ал қонған кезде оны жедел жәрдем күтіп тұрды. Басқа рейсте жолаушы рейске дейін стационарлық медициналық бақылауда болған 5 айлық баласына көмек сұрады. Нәрестенің тыныс алуы қиын болды, терісі түсін өзгертті. Борттағы Фельдшер жедел медициналық көмек қобдишасынан пайдалануды ұсынды. Бірақ бұл көмектеспеді. Сондықтан экипаж шұғыл қону туралы шешім қабылдады. Жердегі ұшақты дәрігерлер күтіп, бала ауруханаға жатқызылды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Зинешов