"Үш бала қаза тапты". Павлодар облысында жантүршігерлік апаттар болды
!["Үш бала қаза тапты". Павлодар облысында жантүршігерлік апаттар болды](/userdata/news/news_72999/image_l.jpg)
Павлодар облысының Шідерті кенті мен Ақсу ауылдық аймағында жол апаты болды, деп хабарлайды Pavlodarnews.kz.
Облыстық жедел жәрдем станциясының мәліметінше, Шідерті кентінен 10 шақырым жердегі оқиға туралы хабар сағат 21:22-де түскен.
"Мұнда екі көлік соғысып, нәтижесінде біреуі өртенген. Дәрігерлер 9 минутта жетті. 7 жастағы бала көмек келгенге дейін көз жұмған", - деді 103 қызметінің өкілдері.
2 және 5 жастағы тағы екі бала, 24 жастағы ер адам мен 30 және 51 жастағы әйел адамдар Екібастұз қалалық ауруханасына жеткізілді.
Екінші жол апаты сағат 22:00 шамасында Ақсу қаласынан 25 шақырым жерде болған.
"Екі көлік соқтығысынан 5 адам зардап шекті. Жедел жәрдем топтары бірінші санаттағы жеделдікпен 13 минутта жетті. 2 және 6 жасар балалар мен 40 жастағы әйел адам алған жарақаттарынан көз жұмды", - деді дәрігерлер.
40 және 58 жастағы ер адамдар Ақсу қалалық ауруханасына жеткізілді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Е. Төлеш