Абай облысы Жарма ауданының сотында адамды ұрлады деп айыпталған сотталушыға қатысты қылмыстық іс қаралды, – деп хабарлайды Massaget.kz тілшісі.
Сот отырысы барысында сотталушы бұрынғы әйелінің үйіне келіп, араларында жанжал орын алғаны белгілі болды. Ер адам бұрынғы әйелінің бетін жұдырықпен ұрып, оның ұялы телефонын сындырып, содан соң оны көліктің жүксалғышына салып, ұрлап кеткен.
Прокурор соттан ер адамның әрекетін ҚК-нің 125-бабының 1-бөлігіне сәйкестендіруді сұрады, өйткені ол жәбірленушінің өмірі мен денсаулығына қауіпті зорлық-зомбылық қолданбаған.
Жәбірленуші А. қазіргі уақытта сотталушыны кешіретінін және қатаң жазаламауды сұрағанын айтты.
Сотталушы Е. болған оқиғаға өкінетінін түсіндіріп, істеген ісіне өкініп, соттан бас бостандығынан айыруға байланысты емес жаза тағайындауды сұрайды.
Іс материалдарын зерттегеннен кейін сот сотталушының іс-әрекетін ҚК-нің 125-бабы 2-бөлігінің 3-тармағынан ҚК-нің 125-бабының бірінші бөлігіне қайта саралау керек деген қорытындыға келді.
Сот Е.-ні кінәлі деп тауып, орташа қауіпсіздік қылмыстық-атқару жүйесі мекемесінде жазасын өтей отырып, 4 жылға бас бостандығынан айыруды тағайындады.
Үкім заңды күшіне енген жоқ.
Қызықты жаңалықтар мен видеоларды көру үшін TikTok арнамызға жазылыңыз!