Уролог магний тапшылығының ерлерге неліктен қауіпті екенін айтты
![Уролог магний тапшылығының ерлерге неліктен қауіпті екенін айтты](/userdata/news/news_83672/image_l.jpg)
Магний жүйке жүйесі мен бұлшықетті тыныштандыруға көмектесетіні белгілі. Бірақ бұл минералдың денсаулыққа пайдасы мұнымен бітпейді. Тіпті ерлердегі потенциал мен құштарлық денедегі магнийдің жеткілікті мөлшеріне байланысты.
Уролог Марк Гадзиянның айтуынша, магний негізгі ердің жыныстық гормоны – тестостеронның биожетімділігін арттырады. Сондықтан, ерлерде магнийдің жеткілікті мөлшері болмаса құштарлық та жоғалады.
Маманның айтуынша, магний ерлер үшін де маңызды, өйткені:
- депрессияны, стрессті және шаршауды жеңуге көмектеседі;
- ұйқысыздық пен бас ауруын жеңілдетеді;
- бұлшықет массасын құруға көмектеседі.
"Ұзақ уақытқа созылған магний тапшылығымен ер адамдарда бұлшықет тартылуы, өнімділіктің төмендеуі, жүрек ырғағының бұзылуы, эректильді функцияның нашарлауы байқалады", - деді Марк Гадзиян өзінің Telegram-каналында.
Ағзадағы минералдың төмен деңгейінің негізгі себептері:
- Құрамында магний бар тағамдарды жеткіліксіз қабылдау;
- Бүйрек пен асқазанда қоректік заттардың сіңуінің бұзылуы;
- Ұзақ уақытқа созылған құсу;
- Кейбір дәрілерді қабылдау. Мысалы, диуретиктер немесе антибиотиктер.
Өзіңізде магний жетіспеушілігінің белгілерін байқасаңыз, дәрігермен кеңесіп, қан тапсыру керек. Ересектердегі қандағы магнийдің нормасы 0,7-ден 1,0 ммоль / л-ге дейін болады.
Магнийдің төмен болуының себебі
Урологтың айтуынша, бұл минералға бай тағамдарды сирек қолдану магний жетіспеушілігіне әкелуі мүмкін. Сондықтан олардың жетіспеушілігін болдырмау үшін жиі тұтыныңыз. Ол үшін мына тағамдарды жеу керек:
- балық;
- жаңғақтар;
- көкөністер
- авокадо;
- бұршақ дақылдары;
- тұқымдар.
Айта кетейік, уролог ерлерде жыныстық құштарлықтың төмендеуінің екі себебін атаған болатын.
Т. Раушанұлы