Ұрлық ең көп жасалатын өңір белгілі болды

Прокуратура ұрлық дерегі азайып келе жатқанын мәлімдеді, - деп хабарлайды Massaget.kz тілшісі.

Ең көп ұрлық қайда тіркелген?

Ресми мәліметке сүйенсек, биыл 11 айда ұрлық статистикасы 28,1 пайызға, 40 458-ден 29 089-ға дейін төмендеген. 

"Ұрлықтың ең көбі Алматы және Астана қалаларында (6 675/3 727), ең азы Манғыстау және Ұлытау облыстарында тіркелген (396/298)", - деп жазылған хабарламада.

Қандай ұрлық түрі жиі кездеседі?

• Ұялы телефон ұрлығы 31,2 пайызға төмендеген (10 051-ден 6 919-ға дейін).

"Ұялы телефон ұрлығының ең көбі Алматыда (1 989) және Астанада (669), ең азы Ұлытау облысында (54)", - деп жазылған хабарламада.    

• Көлік ұрлығы 46,1 пайызға, 256-дан 138-ге дейін төмендеген.
• Пәтер ұрлығы бойынша да қылмыс 33,7 пайызға, 3 398-ден 2 252-ге дейін төмендеген.   
• Мал ұрлығы бойынша 30,3 пайызға, 1 432-ден 998-ге дейін төмендеген.

"Мал ұрлығының ең көбі Алматы (194), Абай (126), Түркістан (114), Жетісу (97) облыстарында тіркелген", - деп жазылған хабарламада.

Еске салайық, бұған дейін автобуста ұрлық жасаған ақтөбелік видеоға түсіп қалғаны хабарланды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз