"Ұлынан гөрі сені қатты жақсы көретін секілді". Әнші Kalifarniyaның әйелі көпшілікті тәнті етті
!["Ұлынан гөрі сені қатты жақсы көретін секілді". Әнші Kalifarniyaның әйелі көпшілікті тәнті етті](/userdata/news/news_86902/image_l.png)
Kalifarniya лақап атымен танымал Фархат Қалиев күні кеше үйлену тойын дүркіретіп өткізді. Әлеуметтік желіде әншінің келіншегі Анельдің енесіне еркелеген видеосы тарады, - деп хабарлайды Massaget.kz тілшісі.
Анель келіндік өмірінің алғашқы күні туралы айтып, TikTok парақшасына видео жариялады. Ол өзінің тамақ жасай алмайтындығын, бірақ ата-енесі оны қолдайтынын жеткізді. Бұл видео желіде 1,9 миллион қаралым, 210 мың лайк жинады.
"Мен күйеуіммен, ата-енеммен бірге тұрамын. Біз қазір тамақ әзірлейік деп жатырмыз. Негізі менің тамақ жасай алмайтынымды бәрі біледі. Мамам менің ет жемейтінімді біліп тауық етін сатып алып келіпті. Мені осылай еркелетеді", – дейді жас келін.
@aanelyin Нобый нобый мама-папам?
♬ оригинальный звук - aanelyin
Ол қайын атасы және енесімен таныстырды. Бейнежазбадан енесінің келінін бетінен сүйіп, еркелетіп жатқанын көруге болады. Мұны көрген желі қолданушылары ене мен келіннің бір-біріне деген сыйластығына риза болды.
"Жаңа папаң мен мамаң сізді Фархаттан қатты жақсы көретін сияқты", "Осындай ата-ене бұйырсын", "Ата-енеңіз жақсы адамдар екен", "Сіз үшін қуаныштымыз", "Неткен керемет жандар", "Бақытты болыңыздар", – деп жазды олар.
Айта кетейік, бұған дейін екі жастың үйленгені туралы жазған болатынбыз. Той туралы жазбаны осы жерден оқи аласыз.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Е. Ерболұлы