Ұлыбританияда аурухана қызметкерлері пациенттердің қашан өлетінін болжау үшін жасанды интеллект негізіндегі "өлім калькуляторын" сынап көріп жатыр. Бағдарлама қатер тобындағы адамдарды ауру белгілері пайда болғанға дейін анықтауға көмектеседі, - деп хабарлайды Мassaget.kz тілшісі Daily Mail басылымына сілтеме жасап.
"Калькулятор" электрокардиограмма (ЭКГ) деректері негізінде науқастардың қайтыс болатын күнін болжап береді. Оның нәтижелеріне сүйене отырып, ЖИ дәрігерлер байқамауы мүмкін жасырын денсаулық мәселелерін анықтайды.
Сондай-ақ ғалымдардың айтуынша, бұл бағдарлама ЭКГ-дан кейін он жыл ішінде адамның өлім қаупін анықтай алады. Оның ықтималдығы 78%-ды құрайды.
Лондонның әртүрлі ауруханаларында жаңа технологияны сынап көру мақсатында жүздеген пациент таңдалды.
Лондон ауруханасының кардиологы Арунашис Сау бұл әдіс дәрігерлерді алмастыратын емес, керісінше, адамның қолынан келмейтін дүниені анықтауға арналған әдіс екенін атап өтті.
Жасанды интеллект бүгінде медицинада жиі қолданылып жатыр. Мысалы, жақында америкалық Ambience Healthcare компаниясы жасанды интеллект арқылы конфигурацияланған ауруханалардағы процестерді автоматтандыру туралы айтты. Енді ЖИ дәрігерлерді күнделікті қарабайыр жұмысынан құтқара алады.
Қызықты жаңалықтар мен видеоларды көру үшін TikTok арнамызға жазылыңыз!