Ұлттық экономика министрінің інісі "Қазатомөнеркәсіпке" директор болып тағайындалды
![Ұлттық экономика министрінің інісі "Қазатомөнеркәсіпке" директор болып тағайындалды](/userdata/news/news_86844/image_l.png)
Ұлттық экономика министрі Әлібек Қуантыровтың інісі Ермек Қуантыров "Қазатомөнеркәсіп" компаниясында лауазымды қызметке тағайындалды, - деп хабарлайды Massaget.kz тілшісі компанияның баспасөз қызметіне сілтеме жасап.
Ол 5 шілдеден бастап Қазатомөнеркәсіптің құқықтық сүйемелдеу және сатып алу жөніндегі бас директоры болды.
"Қуантыров мырзаның функционалдық міндеттеріне құқықтық қамтамасыз ету процесіне басшылық жасау, халықаралық-құқықтық ынтымақтастық мәселелеріне жетекшілік ету, тәуекелдерді басқару және ішкі бақылау жөніндегі қызметті ұйымдастыру, сондай-ақ, кешенді басқаруды жүзеге асыру және сатып алу процестері мен компанияның корпоративтік басқаруына басшылық жасау кіреді", - делінген хабарламада.
Айта кетейік, Ермек Қуантыров Президенттік жастар кадрлық резервінің мүшесі, Қазақстан Республикасы Әділет министрлігінде әртүрлі басшылық лауазымдарда жұмыс істеген. Ол 1989 жылы дүниеге келген. Ермек Қуантыров - Ұлттық экономика басшысы Әлібек Қуантыровтың інісі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова