Украинада бірнеше аймақта жарылыс болды

Украинаның бірнеше аймағында жарылыс болды, - деп хабарлайды Massaget.kz тілшісі.

УНИАН ақпарат агенттігінің Telegram-арнасы мәліметінше, бүкіл Украинада әуе дабылы жарияланған. Бірқатар аймақ билігі шабуылдар туралы хабарлады. Украинаның Винница облысында "дәл тиген соққылар бар", деп хабарлады облыс әкімшілігінің басшысы Сергей Борзов Telegram-арнасында. Борзовтың хабарламасында бастапқыда "Ладыжинск ЖЭС-іне шабуыл" туралы айтылған, қазір облыс басшысы арнасында мұндай жазба жоқ екені атап өтілді.

Ладыжин қаласының әкімшілігі Facebook желісінде жылу электр орталығында электр жабдықтары зақымданғанын, онда тек аса қажет қызметкерлер қалғанын хабарлады.

This is how the sky over Ukraine looks like today. Mass reports throughout the country about missile launches from Russia and air defense activities. The air raid in Kyiv started at 8 am and is going on for 4 hours already. pic.twitter.com/lljjc3L3I3

— Maria Avdeeva (@maria_avdv) October 11, 2022

Одесса облысында да жарылыс болғаны хабарланды. Жарылыстар Ровно облысы мен Кривой Рогта да (Днепропетровск облысы) тіркелген. Кривой Рог басшысы Александр Вилкул Telegram-арнасында тұрғындардан паналарына баруды сұрады.

10 of october, aftermath of russian shellings — 11 of october pic.twitter.com/5Yi1fIQ3Oq

— Бо (@kinvshchuk) October 11, 2022

Киев облысының басшысы Алексей Кулеба Facebook желісінде аймақта әуе қорғанысы жұмыс істеп жатқанын хабарлады. Әуе қорғанысы жұмысы туралы Николаев облыстық әкімшілігі басшысы Виталий Ким де хабарлады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!