Үкімет отырысы: мұнай компанияларына жағдай жасалып жатыр, халыққа пайдасы қандай?

Қазақстанның Үкімет басшысы Олжас Бектенов бүгін мұнай-газ саласының даму мәселелеріне арналған кеңес өткізді, - деп хабарлайды Massaget.kz тілшісі Үкіметтің баспасөз қызметіне сілтеме жасап.

Премьер-министр ірі мұнай-газ компанияларына қазақстандық кадрларға басымдық беру, оларды басқарушы қызметтерге тарту және жергілікті өндірушілерді қолдау қажеттілігін талап етті.

Жергілікті кадрларға назар аударылуға тиіс

Кеңес барысында Олжас Бектенов жергілікті кадрлардың мұнай-газ саласын басқаруына мүмкіндік берілуі тиіс екенін айтты.

"Бүгінгі таңда көптеген есептерде жұмысшылардың 90%-дан астамы қазақстандықтар екені айтылған. Бірақ бұл көрсеткіш басқарушы құрамға қатысты емес. Бізде әлемнің үздік мұнай-газ компанияларында жұмыс істеген тәжірибелі басқарушылар бар, оларға перспективалық жобаларда жетекші қызметтер ұсыну қажет", - деп баса айтты Бектенов.

Жергілікті өндірушілерге назар аударылуға тиіс

Сонымен қатар, Премьер-министр жергілікті өндірушілерді қолдау мәселесін де көтерді. Олжас Бектенов ірі мұнай-газ консорциумдарын жергілікті қамтуды арттыруға шақырды. Бұл ретте ол үш ірі консорциумға — "Теңізшевройл", Karachaganak Petroleum Operating B.V. және North Caspian Operating Company N.V. — ерекше назар аударылып отыр, себебі олар саладағы барлық сатып алулардың 70 пайызын құрайды.

Экологиялық жауапкершілік: мұнай-газ компанияларына талап

Экологиялық мәселелер де басты назарда болды. Олжас Бектенов мұнай-газ компанияларын елдің экологиялық болашағына тікелей жауапты екенін қатты ескертті. Ол экономикалық даму мен экологиялық тұрақтылық арасында тепе-теңдікті сақтау қажеттілігін және қаражатты тек өнім өндіруге емес, экологияны қорғауға арналған жаңа технологияларға белсенді түрде құю керегін айтты.

Ірі жоба жоспарда

Премьер-министр стратегиялық маңызды жобаларды іске асыру қажеттілігін де атап өтті. Олардың ішінде Атырау облысында жылына 500 мың тонна полипропилен өндіретін мұнай-химия зауытын салу және үш жаңа газ өңдеу зауытын салу сияқты жобалар бар. Үкімет басшысы бұл шаралар тек экономикалық өсуді қамтамасыз етіп қана қоймай, еліміздің әлеуметтік және экологиялық тұрақтылығын нығайтуға да ықпал етуі тиіс екенін баса айтты.

Айта кетейік, Мемлекет басшысының еліміздің мұнай-газ секторын дамыту және халықтың әл-ауқатын арттыру бойынша Үкімет алдына міндет қойған болатын. Содан кейін Үкімет мұнай-газ саласын одан әрі дамыту үшін салық және инвестициялық заңнамаларға елеулі өзгерістер енгізді. Бұл өзгерістер кәсіпорындарға салмақты азайтып, инвесторлар үшін қолайлы жағдай жасауға бағытталған.

Айта кетейік, Қазақстанда 90 миллион тонна мұнай өндірілді, ал расталған қорлар 2,9 миллиард тоннаға бағаланады.

Өзекті жаңалықтарды өз уақытында оқу үшін Facebook парақшамызға жазылыңыз!