ҰҚК басшысының орынбасары Самат Әбіш туралы сұраққа жауап берді

ҰҚК төрағасының бұрынғы бірінші орынбасары Самат Әбіш те тергеу орбитасында. Бұл туралы ҰҚК төрағасының орынбасары Асқар Амерханов мәлімдеді, - деп хабарлайды Tengrinews.kz тілшісі. 

"Самат Әбіш те тергеу орбитасында. Ол куәлік береді, оның мәртебесін білмеймін. Ол Қазақстанда. Мен оны өзім көрмедім. Менің ойымша, тергеу жүріп жатыр, ол осында болуы тиіс", - деді Амерханов.

Ол тергеу жалғасып жатқанын және оның анық-қанығы жарияланбайтынын айтты.

"Экс-төраға, оның үш орынбасары және тағы 4 департамент бастығы - Қызылорда, Алматы, Алматы және төртіншісі - бесінші департаменттің бұрынғы бастығы (қазір тергеуде - еск.)", - деп түсіндірді Амерханов.

Оның айтуынша, тергеу ҰҚК бұрынғы төрағасы мен оның орынбасарлары сияқты баптар бойынша, сонымен қатар, "Әрекетсіздік" және "Немқұрайдылық" баптары бойынша жүргізіліп жатыр.