Алматыда Ұлттық қауіпсіздік комитеті мен полиция қызметкерлері екі адамды ұстау операциясын жүргізді, - деп хабарлайды Massaget.kz тілшісі.
Биыл 14 шілдеде ҰҚК Алматы Полиция департаментімен бірлесіп, 2025 жылы мамырда Өскемен тұрғынын ұрлап өлтірген, күдікті топтың екі мүшесін ұстау бойынша операция жүргізді.
"Аталған адамдар 2025 жылдың маусымынан іздеуде болған. Оларға қатысты екі айға қамауға алу бұлтартпау шарасы тағайындалды. Олар уақытша ұстау изоляторына қамалды", - делінген хабарламада.
Сондай-ақ, іздестіріліп жатқан адамдарды қасақана жасырып жүрген Алматы тұрғынын қылмыстық жауапкершілікке тарту мәселесі де шешіліп жатыр.
Қылмыстық-процестік кодекстің 201-бабы 1-бөлігіне сәйкес өзге ақпарат жария етуге жатпайды.
Instagram парақшамызға жазылып, ең қызықты ақпараттарды бірінші болып оқыңыз!