Қазақстанда Ұлттық бірыңғай тестілеу өткізу ережесі өзгерді. Енді емтиханға тіркеліп, бірақ тестке келе алмаған талапкер оны басқа күні тапсыра алады. Тиісті бұйрыққа ғылым және жоғары білім министрі Саясат Нұрбек қол қойды, - деп хабарлайды Massaget.kz тілшісі.
Құжат 2017 жылдан бері қолданыста болған ҰБТ өткізу ережелеріне өзгерістер енгізеді.
Жаңа ережеге сәйкес ҰБТ-ға қатысуға өтініш беріп, бірақ емтиханға келмеген талапкер кейінгі күндердің бірінде бос орын болған жағдайда тест тапсыра алады.
Ол үшін дәлелді себеп болуы керек:
Мұндай жағдайда Ұлттық тестілеу орталығы директорының атына өтініш жазып, растайтын құжаттарды да тапсыру қажет.
Ережеде тестілеуге қатысу үшін өтініш беру кезеңдері де белгіленген. Өтінішті онлайн түрде:
Тіркелу кезінде талапкер тестілеу пунктін, емтихан күнін және уақытын таңдайды.
Тест аяқталғаннан кейін компьютер экранында нәтижені талдау картасы, яғни жауап нұсқалары мен жиналған балдар көрсетіледі.
Талапкерге нәтижемен танысып, апелляцияға беру немесе тестті аяқтау туралы шешім қабылдау үшін 10 минут беріледі.
Апелляцияға өтінішті тест аяқталғаннан кейін 30 минут ішінде беруге болады. Апелляция нәтижесі 30 жұмыс күні ішінде шығады.
"Химиялық инженерия және процестер" білім беру бағдарламасы үшін бейінді пәндер түзетілді. Бұл мамандыққа түсу үшін мына пәндерді тапсыру керек:
Айта кетейік, тест құрылымы өзгерген жоқ. Талапкерлер бұрынғыдай Қазақстан тарихы, математикалық сауаттылық, оқу сауаттылығы және екі бейінді пән бойынша тест тапсырады.
Аптаның басты оқиғалары мен пайдалы видеоларды көру үшін YouTube арнамызға жазылыңыз