“Уақыт белдеуін өздеріңіз анықтаңыздар“ - депутат Еркін Әбіл петиция жасаушыларға жауап берді

Мәжіліс депутаты Еркін Әбіл уақыт белдеуіне қатысты пікірін бөлісті, - деп хабарлайды Massaget.kz тілшісі.

Депутаттың "соңғы рет түсіндіруі"

Еркін Әбілдің сөзінше, уақыт белдеуі қарапайым түрде анықталады. Facebook парақшасында жазған жазбасында уақыт белдеуіне қатысты айтылатын анық нәрселерді "соңғы рет" түсіндіретінін айтты. 

"Бұрынғы уақыт белдеуінің жақтастарына соңғы рет анық нәрселерді қайта түсіндіремін. Уақыт белдеуі қарапайым түрде анықталады. Гринвич меридианынан (0 градус) әр 15 градуста шартты сызық солтүстіктен оңтүстікке қарай өтеді. Сол 15 градус (батысқа 7,5 градус, шығысқа 7,5 градус) аралығы географиялық уақыт белдеуі болып саналады", - деді ол. 

Ол UTC+5 уақыт белдеуіне жататын қалаларды тізді. Бұл - Алматы (шығыс бойлық бойынша 76 градус), Астана (71 градус), Шымкент (70 градус). Оның шекарасында Өскемен (82), сондай-ақ Семей (80), Петропавл (69) және Жезқазған (68) қалалары орналасқан.

Бұрынғы сағаттық белдеуді жақтаушыларға жауап

Мәжілісмен UTC+7 ("бұрынғы екі сағаттық белдеу" туралы петиция) жүйесіне көшуді ұсынып отырған Қазақстан халқына жауап берді. Еркін Әбіл бұл жағдайда Қазақстан шығыста жатқан Таиландтың уақытына қосылып кететіні туралы қосты. 

"UTC+7-ге көшейік" деп жүргендерге айтарымыз, бұл белдеу - Таиланд уақытына сәйкес келеді, ал Таиланд Қазақстаннан әлдеқайда шығыста орналасқан", - деп түсіндірді ол.

"Бәрібір қараңғыда жүреміз"

Депутаттың "қараңғы ертең түседі" деп шағымданып жатқан жұртқа да жауабы дайын. Оның сөзінше, сағат тілін қалай ауыстырсақ та, қараңғыда жүретін уақыт қысқармайды.

"Қараңғы тым ерте түседі" дегендерге айтайын. Қазір Астанада күннің ұзақтығы 9 сағатқа тең (желтоқсанда бұдан да қысқарады). Тәулігіне 16 сағат (24 сағат минус 8 сағат ұйқы) сергек боламыз. Сағат тілін қанша айналдырсаң да, бәрібір 7 сағат қараңғыда жүреміз. "Ендеше, кешке күнжарықта жүрейік" деп жүргендер таңертең жарық екі сағатқа кеш түсетінін есте ұстасын. Мысалы, қазір күн 7:20-да шығады, егер UTC+7-ге өтсек, таңғы жарық тек 9:20-да көрінетін еді, ал желтоқсанда тіпті 10-да ғана жарық болар еді", - деп жазды ол.

Еркін Әбіл жұртты мектеп бағдарламасындағы жаратылыстану пәнін қайта қарап шығуға шақырды.

"Қорытындылай келе, басқаларды надандықпен айыптамас бұрын, мектептегі жаратылыстану пәнін қайта қараңыздар және уақыт белдеулерін өздеріңіз анықтаңыздар. Айтарым - осы, мен бұл тақырып бойынша бұдан былай пікірталасқа түспеймін, менде бұдан да басқа көптеген қызықты нәрселер бар", - деп түйіндеді жазбасын мәжілісмен. 

Еске салайық, Қазақстан биыл 1 наурыздан бастап біртұтас уақыт белдеуіне көшкен болатын. Шенеуніктер мұны "әртүрлі аймақтардың тұрғындары арасындағы уақытша кедергілерді жою, көлік және басқа коммуникацияларды үйлестіруді жақсарту" үшін қажет деп түсіндірді. Ал қазақстандықтар арасында уақыт белдеуінің өзгеруіне әлі де наразылық білдіріп жатқандар бар. 

Бұған дейін Мәжілістің бір топ депутаты Үкіметтен бұрынғы уақыт белдеуін қайтаруды талап еткен болатын. 

Instagram парақшамызға жазылып, ең қызықты ақпараттарды бірінші болып оқыңыз!