Түзеу мекемесінің қызметкері өртеніп жатқан үйден алты адамды алып шықты

Түзеу мекемесінің қызметкері өртеніп жатқан үйден 6 адамды алып шықты. Олардың арасында кішкентай бала да бар, - деп хабарлайды Massaget.kz тілшісі.

1 қаңтар күні шамамен сағат 13:21-де Солтүстік Қазақстан облысы Булаево ауылы Целинная көшесі 7 мекенжайында орналасқан екі қабатты тұрғын үйден өрт болғандығы туралы ақпарат келіп түсті.

Тексеру барысында пробация аға лейтенанты Ғалымжан Байбусин үй тұрғындарына көмек көрсетіп, түтін басқан үйден 6 адамды алып шықты, оның ішінде кішкентай бала да бар. Сонымен бірге офицер өртті оқшаулауға көмектескен.

Өрт салдарынан пәтердегі терезе саңылауы зақымдалды. Өрттің жалпы ауданы 12 шаршы метрді құрайды.

Өрттің алдын-ала себебі - стокерге жақын орналасқан пластикалық терезенің тұтануы.

Өзекті жаңалықтарды өз уақытында оқу үшін Facebook парақшамызға жазылыңыз!