Түркістанда ауыл шетінен 9-сынып оқушысы өлі табылды

Түркістан облысы Ордабасы ауданында ауыл шетінен жасөспірім қыздың мәйіті табылды. 9-сынып оқушысы осыдан бірнеше күн бұрын қайтыс болған, деп хабарлайды Массагет тілшісі.

Полицейлердің мәліметінше, оқушының мәйіті 9 сәуір күні суару каналынан табылған. Үш күннен бері алақандай ауылдан күдіктінің кім екені табылмай жатқан көрінеді.

"Ауылдастары қайтыс болардың алдында бір қыздардың тиісіп жүргені туралы естіген. Қазір 9, 10, 11 сынып оқушылары сұралып жатыр екен. Қызды жарақаттаған пышақ та жоқ, қаскөй марқұмның телефонын да шағып кеткен. Жаңа ғана бір оқушы күдікті ретінде қамауға алынды", – деп жазды Ирина Советжанқызы.

Артынша қызды өлтірді деген күдікпен 11 сыныпта оқитын ұл бала ұсталып, қамауға алынды. Аталған жайтқа байланысты Қылмыстық кодекстің  99-бабы 2-бөлігі "Адам өлтіру" бойынша сотқа дейінгі тергеу жүршізіліп жатыр. Сот-медициналық сараптамасы тағайындалды.

Тергеу ісі Түркістан облысы Полиция департаменті басшылығының жеке бақылауында.