Түркістан облысының тауларында 12 адам жоғалып кетті
![Түркістан облысының тауларында 12 адам жоғалып кетті](/userdata/news/news_76503/image_l.jpg)
Түркістан облысының тауларында 12 адамды іздестіру жұмыстары жүргізіліп жатыр, - деп хабарлайды Massaget.kz тілшісі Төтенше жағдайлар министрлігінің баспасөз қызметіне сілтеме жасап.
2023 жылдың 5 қаңтарында Түркістан облысы Төтенше жағдайлар департаментінің "112" пультіне Бәйдібек ауданы, Байжансай тауында екі көлікпен шыққан адамдардың жоғалып кеткені туралы хабарлама келіп түскен. Іздестіру жұмыстарына Төтенше жағдайлар министрлігінің авиациясы жұмылдырылған.
"Іздестіру жұмыстарына Түркістан облысы Төтенше жағдайлар департаментінің құтқарушылары жұмылдырылды. Ауа райына байланысты Төтенше жағдайлар министрлігінің тікұшағын пайдалану жоспарланып отыр. Із-түзсіз жоғалғандар соңғы рет 2023 жылдың 3 қаңтарында сағат 16:00 байланысқа шыққан. Өтініш берушінің айтуынша, жоғалған адамдар 3 қаңтарда Шымкентке оралуы керек болған екен", - делінген хабарламада.
Түркістан облысының Төтенше жағдайлар департаменті ауа райына байланысты жасалатын ескертулерді назардан тыс қалдырмауды сұрады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова