Түркістан облысында ұрланған көлік Тараздан табылды

Полиция қызметкерлері Түркістан облысында ұрланған көлікті Тараз қаласынан тапты, - деп хабарлайды Massaget.kz тілшісі polisia.kz-ке сілтеме жасап.

Жедел-іздестіру іс-шараларын өткізу барысында Түркістан облысы Сарыағаш ауданының полиция қызметкерлері бөтеннің көлігін ұрлады деген күдікпен екі жас жігітті ұстады.

Оқиға сағат 01:00 шамасында болған. Жәбірленуші ВАЗ көлігін үйдің жанына аз уақытқа қойып кеткен. Жас жігіттер осы сәтті пайдаланып, қызық үшін көлікті ұрлап кеткен. Шығын шамамен бір миллион теңгеден асады.

Тәртіп сақшылары ұрланған көлікті Тараздан тәркілеп алып, иесіне қайтарды.

Қазіргі уақытта оларға қатысты сотқа дейінгі тергеу амалдары жүргізіліп жатыр.

Қызықты жаңалықтар мен видеоларды көру үшін TikTok арнамызға жазылыңыз!