Түркістан облысы Полиция департаментінің Өзіндік қауіпсіздік басқармасы ҰҚКД-мен бірлесіп, құқыққа қайшы әрекеттер жасады деген күдікпен аудандық полиция бөлімінің қызметкерін ұстады, - деп хабарлайды Massaget.kz тілшісі.
Өңірдің Полиция департаменті Massaget.kz-ке берген жауабында күдікті уақытша ұстау изоляторына қамалғанын мәлімдеді.
"Бұл дерек бойынша болған оқиғаның барлық мән-жайын анықтауға бағытталған соталды тергеу жүргізіліп жатыр. Полиция департаментінде тәртіптік комиссия отырысы өткізіліп, оның шешімімен қызметкер теріс себептермен ішкі істер органдарынан шығарылды. Сондай-ақ, басқа жауапты лауазымды тұлғаларға қатысты қызметтік тексеріс жүргізіліп жатыр", - деп жазылған жауапта.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова