Түркістан облысында оқушыны алып қашуға қатысты тың дерек шықты
![Түркістан облысында оқушыны алып қашуға қатысты тың дерек шықты](/userdata/news/news_77493/image_l.jpg)
Түркістан облысында ер адам 15 жастағы қызды алып қашқан. Полиция осы іс бойынша соталды тергеуді бастады, - деп хабарлайды Massaget.kz тілшісі Полиция департаментінің баспасөз қызметіне сілтеме жасап.
"Шымкент тұрғынының кәмелетке толмаған қызын үйлену мақсатында алып қашқаны туралы арызына қатысты Жетісай ауданының полициясы ҚР Қылмыстық кодексінің 122-бабы "Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау" бойынша соталды тергеуді бастады", - делінген хабарламада.
Ведомство мәліметінше, ол қыздың танысы болып шыққан. Алайда анасы келіспей, қызды жігіттің үйінен Шымкентке алып кеткен. Сараптама тағайындалды. Қажет тергеу әрекеттері жүргізіліп жатыр. Бұл істі Түркістан облысы ПД бақылауына алған.
Еске салайық, бұған дейін Түркістан облысында ер адам 15 жастағы қызды алып қашқаны хабарланған болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова