Түркістан облысында көлігіне жарық сигналдарын орнатқан жүргізуші жазаланды
![Түркістан облысында көлігіне жарық сигналдарын орнатқан жүргізуші жазаланды](/userdata/news/news_87536/image_l.png)
Фото:
видеодан алынған кадр
Түркістан облысында көлігіне рұқсат етілмеген қызыл-көк түсті жарық сигналдарын орнатқан жүргізуші жауапқа тартылды, - деп хабарлайды Massaget.kz тілшісі polisia.kz-ке сілтеме жасап.
Telegram-дағы парақшалардың бірінде Mercedes автокөлігіне рұқсат етілмейтін қызыл-көк түсті жарық сигналдарын орнатып, мемлекеттік тіркеу нөмірінсіз трассада емін-еркін жүрген бейнежазба анықталды.
Оқиға Төлеби ауданындағы Қасқасу ауылының тас жолында болғаны анықталды. Көлік иесі - Шымкент тұрғыны, жас жігіт.
Жас жігітке ҚР Әкімшілік құқық бұзушлық туралы кодексінің 590-бабының 2-бөлігі және 603-бабы 1-бөлігі бойынша әкімшілік хаттама толтырылды. Көлік айыптұраққа қойылды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан