Түркістан облысында қолайсыз ауа райына байланысты жолдарда шектеулер енгізілді

Түркістан облысында қолайсыз ауа райына байланысты жолдарда шектеулер енгізілді. Полиция көлік жүргізушілеріне үндеу жасады, - деп хабарлайды Massaget.kz тілшісі polisia.kz-ке сілтеме жасап.

Қалың қар мен нөсер жауын салдарынан Жамбыл облысы бағытындағы республикалық маңызы бар Хоргос - Алматы - Тараз - Шымкент - Ташкент тасжолдарында қозғалысқа шектеулер енгізілді.

Полиция жүргізушілерге жол қозғалысы ережелерін сақтауды және қажеттілік болмаса алыс сапарларға шықпауды ескертті.

"Көлігіңіздің техникалық жағдайын тексеріңіз. Өзіңізді және жақындарыңызды қорғаңыз!", - деп ескертті полиция.

Еске салайық, бұған дейін синоптиктер 8 қаңтарда елдің бірнеше өңірінде қалың қар жауып, көктайғақ болатынын, тұман түсіп, екпіні күшті жел соғатынын болжаған еді.

Instagram парақшамызға жазылып, ең қызықты ақпараттарды бірінші болып оқыңыз!