Түркістан облысындағы тасжолда түнде екі көлік соқтығысып, салдарынан жеті адам қаза тапты. Полиция тергеу амалдарын бастады, - деп хабарлайды Massaget.kz тілшісі.
Түркістан облысы Полиция департаменті мәліметінше, жол апаты Бәйдібек ауданындағы Шаян - Екпінді тасжолында болған.
"Алдын ала мәлімет бойынша түнде тасжолда Toyota Camry және Volkswagen Passat көліктері соқтығысқан", - деді полиция.
Жол апаты салдарынан жеті адам оқиға орнында көз жұмды.
Ведомство өкілдері қазір оқиғаның барлық мән-жайын анықтауға бағытталған іс-шаралар жүргізіліп жатқанын айтты. Тергеу нәтижесі бойынша тиісті шешім қабылданады.
Өзекті жаңалықтарды өз уақытында оқу үшін Facebook парақшамызға жазылыңыз!