Түркістан облысында жантүршігерлік жол апаты болып, бір адам жансақтау бөлімінде қайтыс болды, - деп хабарлайды Polisia.kz.
"28 қазанда Түлкібас ауданы полициясының кезекші бөліміне Батыс Қытай - Батыс Еуропа тасжолының 651 шақырымында жол апаты болғаны туралы хабарлама келіп түсті. Оқиға болған жерге полиция қызметкерлері шұғыл жетті.
Шымкент қаласының тұрғыны Renault жүк көлігімен Алматыдан Шымкентке өзімен бір бағытта жүріп келе жатқан Mazda 626 көлігінің артқы бөлігінен соққан. Mazda 626 көлігінің жүргізушісі ауруханаға жеткізіліп, жансақтау бөлімінде қайтыс болды", - деді Түлкібас аудандық полиция бөлімінің инспекторы Рауан Қалшораев.
Қазір ҚР Қылмыстық кодекстің 345-бабы (Жол қозғалысы және көлік құралдарын пайдалану ережелерін бұзу) бойынша соталды тергеу амалдары жүргізіліп жатыр. Оқиғаның мән-жайы анықталып жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!