Түркістан облысында өз баласы ұрған ақсақалдың денесі қара жер қойнынан қайта қазып алынды. Эксгумация жасалған мәйітке мамандар сот-медициналық сараптама жүргізіп, марқұмның нақты неден көз жұмғанын анықтамақ, - деп хабарлайды Massaget.kz тілшісі "КТК" телеарнасына сілтеме жасап.
Бұл оқиға Шардара ауданындағы Қоссейіт ауылында болған. Жантүршігерлік жағдайды көршісі жасырын телефонға түсіріп, әлеуметтік желіге жариялаған болатын.
Енді сот-медициналық сараптама марқұм ұлы мен келінінің қолынан өлгенін растаса, күдіктілердің жазасы ауырлауы мүмкін.
Еске салайық, бұған дейін әлеуметтік желіде әкесін ұрып-соққан ер адамның видеосы тарады. Кейінірек бұл дерек бойынша қылмыстық іс қозғалды. Күдікті ұсталып, уақытша ұстау изоляторына қамалды.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова