Түркістан облысында атыс болды, салдарынан бір адам қаза тауып, үш адам ауруханаға түскен, - деп хабарлайды Massaget.kz тілшісі.
Оқиға 2 қарашада түнгі уақытта Түлкібас ауданында болған.
"Салдарынан бір адам қайтыс болып, үш адам медициналық мекемеге жеткізілді. Оларға медициналық көмек көрсетіліп жатыр", - деді Түркістан облысы ПД баспасөз қызметі өкілі.
Оқиға орнына аудандық полиция бөлімінің басшылығы мен жедел тергеу тобы дереу шыққан. Іс-шаралар барысында аз уақыт ішінде күдіктілер анықталған.
"Олардың бірі қамауға алынды. "Адам өлтіру" бабымен қылмыстық іс қозғалды. Қазір тергеу жүргізіліп жатыр. Тергеу барысы Түркістан облысы Полиция департаменті басшылығының қатаң бақылауында", - деді өңірдің ПД өкілі.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова