Түркістан облысында алаяқ әйел ұсталды
![Түркістан облысында алаяқ әйел ұсталды](/userdata/news/news_103553/image_l.jpg)
Түркістан полицейлері алаяқтыққа қатысы бар күдіктіні ұстады, - деп хабарлайды Massaget.kz тілшісі ІІМ баспасөз қызметіне сілтеме жасап.
Түркістан қалалық полиция басқармасының қызметкерлері жедел іздестіру іс-шарасы кезінде алаяқтық қылмысына қатысы бар деген күдікпен 34 жастағы жергілікті тұрғынды ұстады.
"Жұмыссыз әйел танысын мемлекеттен қайтарымсыз несие алуға көмектесемін деп, одан 150 мың теңге ақша алып, уәдесін орындамай қашып жүрген. Тәртіп сақшылары күдікті әйелдің дәл осыған ұқсас 3 жайтқа қатысы барын анықтады", - деп жазылған хабарламада.
Келтірілген шығын - 600 мың теңге. Қазір күдікті әйелге қатысты соталды тергеу амалдары жүргізіліп, жинақталған құжаттар сотқа жолданып жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова