Түркияда қазақстандық туристер мінген автобус апатқа ұшырады: қайтыс болғандар бар
![Түркияда қазақстандық туристер мінген автобус апатқа ұшырады: қайтыс болғандар бар](/userdata/news/news_87944/image_l.jpg)
Түркияда қазақстандық туристер мінген автобус апатқа ұшырады, салдарынан екі адам мерт болды - деп хабарлайды Massaget.kz тілшісі.
Жергілікті БАҚ-тың хабарына қарағанда, жол апатынан 12 адам жарақат алған.
Қазақстанның Сыртқы істер министрлігінің ресми өкілі Айбек Смадияров жол апатына ұшыраған автобустың ішінде Қазақстан азаматтары болғанын растады.
"Бүгін таңертең Алания тас жолында микроавтобус пен жүк көлігінің қатысуымен жол-көлік апаты орын алды. Оқиға салдарынан зардап шеккендер бар. Алдын ала алынған мәліметке сәйкес, автобуста Қазақстан азаматтары болған", - деп хабарлады ол.
Смадияровтың айтуынша, оқиғаның барлық мән-жайы мен азаматтарымыздың жағдайын анықтау үшін ҚР консулы аталған өңірге шұғыл түрде жолға шықты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан