Түркияда жер сілкінісінен 2 мыңға жуық бала жетім қалған

Түркияның Қазақстандағы төтенше және өкілетті елшісі Уфук Экиджи шетелдіктер жер сілкінісі салдарынан жетім қалған Түркия балаларын асырап ала ала ма деген сұраққа жауап берді, - деп хабарлайды Massaget.kz тілшісі.

Түркияның Астанадағы елшілігінде өткен баспасөз мәслихатында Уфук Экиджи қазір елде 1858 бала патронат бақылауда екенін, 200 баланың әлі жеке басы анықталмағанын айтты.

"Жер сілкінісі кезінде жетім қалған балалар қазір мемлекеттің бақылауында. Бұл балалардың жеке басын анықтау және құжаттарын қалпына келтіру жұмыстары жүргізіліп жатыр. Оларға психологиялық көмек көрсетіледі. Бұл балалар басқа елдерге асырап алуға жіберілмейді. Олар Түркиядағы туыстарының отбасыларына орналастырылады", - деді елші.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!