"Тұншықтырып өлтіріп, гаражға асып қойған". Қостанайда әйелін өлтірген экс-полицей сотталды
!["Тұншықтырып өлтіріп, гаражға асып қойған". Қостанайда әйелін өлтірген экс-полицей сотталды](/userdata/news/news_108766/image_l.jpg)
Қостанай облысында бұрынғы полиция қызметкері жұбайын өлтіргені үшін сотталды, - деп хабарлайды Massaget.kz тілшісі облыстық сотқа сілтеме жасап.
Полиция департаментінің патрульдік полиция батальонының бұрынғы инспекторы жұбайын өлтірді деген айыппен сотқа тартылды.
Ерлі-зайыпты арасында жанжал шығып, ер адам әйелін электр ұзартқышпен қылқындырып өлтірді. Әрі қарай, жасалған қылмысты жасыру үшін ол мәйітті гаражға апарып, онда ол өзіне қол жұмсағандай етіп көрсетуге тырысады. Сот-медициналық сараптаманың қорытындысына сәйкес жәбірленушінің өлімі мойынның қысылуына байланысты механикалық асфиксия нәтижесінде болды.
Сотталушы жасаған ісіне кінәсін мойындап, өкінішін білдірді.
Сот сотталушыны жұбайын өлтіргені үшін кінәлі деп тауып, оған 9 жылға бас бостандығынан айыру жазасын тағайындады. Сотталған "полиция аға лейтенанты" арнайы шеніненн айырылды.
Үкім заңды күшіне енген жоқ.
Өзекті жаңалықтарды өз уақытында оқу үшін Facebook парақшамызға жазылыңыз!
С. Бөлек