Түнде ішуге болмайды. Эндокринолог айранның зияны туралы айтты

Айран шөлді қандырады, жүйке жүйесіне пайдалы әсер етеді, бұлшықеттердің шамадан тыс кернеуін жеңілдетеді, тітіркенуді азайтады, ас қорытуды жақсартады, иммундық жүйені нығайтады, темірдің, кальцийдің және дәрумендердің сіңуін жақсартады. Айранды кез келген уақытта іше береміз. Бүгінде дәрігерлер түнде айран ішу зиян дейді.

Дәрігер-эндокринолог Зухра Павлованың айтуынша, түнде таза судан басқа ешнәрсе жеп, ішпеген дұрыс. Ал түнде айран ішу әдеті пайда әкеліп қана қоймайды, керісінше зиянын да тигізеді. Мәселе оның құрамындағы жоғары инсулин индексінде жатыр.

"Айран инсулин индексінің ең жоғары мәндерінің біріне ие. Егер сіз бұл өнімді түнде, инсулин белсенділігі максималды болған кезде ішсеңіз, ұйқы кезінде қандағы глюкоза деңгейінің төмендеуі басталады. Бауыр оны қарқынды түрде шығара бастайды. Бұл таңертең глюкоза деңгейінің жоғарылауымен оянуды білдіреді. Егер сіз мұны үнемі жасасаңыз, көмірсулар алмасуының бұзылуы, яғни аштық гликемиясының бұзылуы әбден мүмкін", - деп ескертеді Зухра Павлова өзінің Telegram-арнасында.

Айта кетейік, бұған дейін терапевт еттен бас тартудың 10 себебін атаған болатын.