Ақтау маңында жоғалған жігітті іздеу жұмыстары жалғасып жатыр, - деп хабарлайды Massaget.kz тілшісі lada.kz-ке сілтеме жасап.
Басылым мәліметінше, 18 жастағы жігіт туған күнінде жоғалып кеткен. Оқиға 7 шілдеде болған. Өңірдің Төтенше жағдайлар департаменті жігітті іздеу жұмыстары жалғасып жатқанын хабарлады.
Бұл жұмысқа 32 қызметкер, соның ішінде жедел құтқару жасағының 11 адамы, 4 техника, 3 жүзу құралы, 8 ұшқышсыз ұшу аппараты жұмылдырылған.
Бұдан бөлек, операцияға Әскери-теңіз күштерінің 5 сүңгуірі, бір техникасы, сондай-ақ, ҰҚК Шекара қызметінің 5 сүңгуірі, бір техникасы тартылған.
Іздестіру-құтқару жұмыстарына барлығы 53 адам қатысып жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова