Цемент зауытында болған жарылыстан жарақат алған жұмысшы санавиациямен Шымкентке жеткізілді
![Цемент зауытында болған жарылыстан жарақат алған жұмысшы санавиациямен Шымкентке жеткізілді](/userdata/news/news_94719/image_l.png)
Түркістан облысындағы цемент зауытында болған жарылыстан ауыр жарақат алған бір науқас санавиациямен Шымкентке жеткізілді. Денесінің 70 пайызын күйік шалған 34 жастағы жұмысшы оттегімен емдеу мекемесіне жатқызылды, - деп хабарлайды Massaget.kz тілшісі КТК телеарнасына сілтеме жасап.
Ал денесін 100 пайыз жалын шарпыған екінші азамат Сайрам ауданы ауруханасында қалды. Өйткені өлім мен өмір арасында жатқан 58 жастағы азаматты қозғауға болмайды дейді дәрігерлер.
Еске салайық, Састөбе ауылындағы цемент зауытында дүйсенбі күні жарылыс болған. Апат кезінде кәсіпорында он шақты жұмысшы болыпты. Соңы өртке ұласқан жарылыстан үш жұмысшы оңбай күйіп қалды. 52 жастағы Константин Боуш ауруханаға жете сала көз жұмды. Қалған екеуі жансақтау бөлімінде жатыр.
Оқыс оқиғадан кейін зауыттың жұмысы уақытша тоқтатылды. Қазір құзырлы органдар бір баппен іс қозғап, жарылыстың себеп-салдарын тергеп жатыр.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан