"Тойында гауһар тас таратылды". Айнұр Тұрсынбаева ұлының тойын Түркияда жасады
Айтыскер ақын Айнұр Тұрсынбаева ұлы Бекланның тойын Түркияда дүркіретіп өткізді. Ол той қызықтарын Instagram-парақшасына салып отырды, - деп хабарлайды Massaget.kz тілшісі.
Желідегі сурет-видеоларға сүйенсек, той Түркиядағы JW Marriott Hotel Istanbul Marmara Sea қонақүйінде өткен.
"Тойға дайындық басталып кетті. Түркияның мықты кеш ұйымдастырушы компаниясы өз қызметін бастап кетті", - деді Айнұр Тұрсынбаева.
Тойға Қазақстаннан танымал өнер адамдары келген. Сондай-ақ, Майра Ильясова, Мейрамбек Бесбаев, Сәкен Майғазиев, Қайрат Нұртас, Ерке Есмахан, Алтынай Жорабаева сынды әншілер, "Алатау серілері" тобы өнер көрсеткен.
"Қазақ эстрадасының хитмендері той төрінде", - деп жазды Айнұр Тұрсынбаева.
Посмотреть эту публикацию в Instagram
Айнұр Тұрсынбаеваның өзі де тойда әннен шашу шашқан.
"Ақ келініме аналық жүрегімнен шығарған туындымды қабыл алыңыздар", - деді ол.
Тойда қызық ойындар да болған, сыйлығы да аз емес. Ойынға қатысқандарға гауһар тас берілген.
Посмотреть эту публикацию в Instagram
"Жылдың ең үздік тойы деп баға беріп жатқандарыңызға рақмет", - деді Айнұр Тұрсынбаева.
Посмотреть эту публикацию в Instagram
Еске салайық, мамырда Айнұр Тұрсынбаеваның ұлы Беклан келін әкеліп, бұл қуанышты жаңалықты әншінің өзі Желідегі парақшасында айтып, суреттерін жариялағаны хабарланған болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова