Төтенше жағдайлар министрі Қобда және Ойыл аудандарындағы жағдаймен танысты

Ақтөбе облысына жұмыс сапары барысында Төтенше жағдайлар министрі Юрий Ильин мен Ақтөбе облысының әкімі Ералы Тоғжанов әуеден барлау жұмысын жүргізіп, ағымдағы жағдаймен, сондай-ақ Ақтөбе облысының Қобда және Ойыл аудандарында су тасқыны салдарын жою бойынша жүргізіліп жатқан авариялық-құтқару және шұғыл жұмыстармен танысты.

Облыстың екі ауданында қардың қарқынды еруі мен еріген қар суының ағуы салдарынан тұрғын үйлер, аула аумақтары мен қосалқы шаруашылықтар су астында қалды (Қобда ауданы – 79 үй, Ойыл ауданы – 2 үй және 12 аула аумағы). Жергілікті атқарушы органдардың комиссиясы нәтижелері бойынша 19 үй мен 12 аула аумағы су астында қалып отыр, ол жерлерде беленді су тасқынына қарсы іс-шаралар және су сору жұмыстары жүргізіліп жатыр.

Жұмылдырылған күштер мен құралдардың көмегімен 400-ден астам адам жедел және алдын ала эвакуацияланды, олар туыстарына және эвакуациялық пункттерге орналастырылды. Адамдар біртіндеп өз үйлеріне оралуда. 140 адам үйлеріне оралды. 4000-нан астам ауыл шаруашылығы жануары қауіпсіз жерге айдалды.

Елді мекендерді аралау барысында төтенше ведомство басшысы авариялық-құтқару жұмыстарының барысын жеке өзі бақылап, су басқан аумақтар мен жеке үй иеліктерін қарап, азаматтармен әңгімелесті, ТЖ зардаптарын жою барысы туралы қызықтырған сұрақтарға жауап берді және қалыптасқан жедел жағдай туралы хабардар етті.

Юрий Ильин су тасқынының салдарын жоюды жеделдету бойынша бірқатар нақты міндеттер қойды, оларды шешу және болашақта осындай қауіптерді барынша азайту жолдарын белгіледі.

«Біз зардап шеккен аудандардың жағдайын әуеден барлау жұмысын аяқтадық. Қазіргі уақытта Ойыл ауданында әзірге күрделі жағдай байқалады. Ойыл ауданының елді мекенінен еріген қар суын жеделдетіп өткізу үшін инженерлік техника, лимон құрылыстары тосқауылдарының бұзылуы бағытында шешім қабылданды. Жергілікті атқарушы органдардың бағалау комиссиясы оқиға орнында жұмыс істеуде, ол жақын арада азаматтардың мүлкі мен келтірілген залалды бағалау бойынша өз жұмысын аяқтайды. ТЖМ бөлімшелері мен жергілікті атқарушы органдардың жұмысы барлық үй иеліктерінен су сору толық аяқталғанға дейін жалғасатын болады. Жағдай бақылауда. Жағдайдың күрделенуі байқалмайды. Алдағы 10 күнде облыстың барлық дерлік солтүстік аудандарында қар еріп кетеді, әзірге су ағынының мұндай жоғары деңгейі күтілмейді», - деп Юрий Ильин жағдайға байланысты комментарий берді.

Сонымен қатар, әуеден барлау барысында Ақтөбе су қоймасының төменгі ағысына тексеру жүргізілді.

Облыстың екі ауданында авариялық-құтқару және шұғыл жұмыстарға, су тасқыны салдарын жоюға ТЖМ құтқару бөлімшелерінің, жергілікті атқарушы органдардың, ІІМ және облыстың басқа да мүдделі құрылымдарының жеке құрамынан 900-ге жуық адам, су сору құралдарын қоса алғанда 650 бірлік техника жұмылдырылды. 

Жалпы, Ақтөбе облысы бойынша су тасқыны кезеңі басталғанға дейін жүргізілген су өткізгіш құбырларды орнату, арық жүйесін тазарту, қар шығару бойынша су тасқынына қарсы алдын алу іс-шаралары су тасқыны қаупін азайтуға ықпал етті.

Қазіргі уақытта жүргізіліп жатқан инженерлік және басқа да жұмыстар температуралық фонның күрт жоғарылауымен және топырақтың максималды қату көрсеткіштері жағдайында қардың күрт еруімен байланысты күрделі гидрометеорологиялық жағдайларда жағдайды тез тұрақтандыруға ықпал етеді.

Бір тәулік ішінде Байғанин, Ырғыз, Мәртөк, Мұғалжар, Ойыл, Темір және Шалқар аудандарында инертті материал салынған қаптар төсеу жұмыстары жүргізілді. Барлығы инертті материал салынған 10 000-нан астам қап төселді, шамамен 30 000 текше метр су сорылды.

Жалпы, су тасқыны кезеңі басталғаннан бері Ақтөбе облысы бойынша 390 000 текше метрден астам су сорылды, 26,1 км арықтар тазартылды, инертті материал салынған 24 000-нан астам қап төселді, ұзындығы 175 метр уақытша бөгет салынды, ұзындығы 500 метр жағалауды нығайту жұмыстары жүргізілді. Облыс бойынша елді мекендерден шамамен 525 000 текше метр қар шығарылды.  Ақтөбе қаласында Сая тұрғын алабынан жоғары және Қарғалы ауданының Петропавловка ауылында 200 метр су бұру каналы қазылды.

Су тасқынына қарсы іс-шаралар жалғасып жатыр.

Сонымен қатар, Ақтөбе облысы әкімдігінің ақпараты бойынша үйлері су астында қалған тұрғындарға, оның ішінде жергілікті атқарушы органдар комиссиясы жұмысының қорытындысы бойынша тұрғын үйді қалпына келтіру және салу бойынша жан-жақты көмек көрсетілетін болады. Жасанды су жинау, құм төсеу және су сору жұмыстары жалғасып жатыр.