Төрт жыл бұрын жоғалып кеткен астаналық табылды

Астанада 2020 жылы жоғалып кеткен 48 жастағы ер адам табылды, - деп хабарлайды Massaget.kz тілшісі елорданың ПД баспасөз қызметіне сілтеме жасап.

Астана ПД Instagram-аккаунтында "Қаңғыбас" жедел алдын алу іс-шарасының нәтижелері туралы жазба жарияланды. Іс-шара өмірлік қиын жағдайға тап болған адамдарға көмектесуге және іздеуде жүрген адамдарды анықтауға бағытталған.

ПД баспасөз қызметінің мәліметінше, рейд барысында әртүрлі қылмыстар үшін іздеуде жүрген 4 қылмыскер, сондай-ақ құқықбұзушылық жасады деген 6 күдікті ұсталды. Сонымен қатар хабар-ошарсыз кеткен 3 адамның орналасқан жері анықталды.

"2020 жылдан бері туыстарымен байланыста болмаған 48 жастағы ер адамның оқиғасы ерекше назар аударуға тұрарлық. Төрт жыл бойы туыстары оның оралуынан үміт үзбеді. Полицияның үйлесімді әрекеттерінің арқасында ер адам тірі және сау табылды. Көптеген жыл бойы белгісіз болғаннан кейін ол отбасымен қайта қауышты", - делінген хабарламада.

View this post on Instagram

A post shared by Астана Қаласының Полиция Департаменті (@police__astana)

Қызықты жаңалықтар мен видеоларды көру үшін TikTok арнамызға жазылыңыз!