"Токпен ұрған, саусақтарын сындырған". Украинада тағы да азаптау лагерьлері табылды
!["Токпен ұрған, саусақтарын сындырған". Украинада тағы да азаптау лагерьлері табылды](/userdata/news/news_76429/image_l.png)
Украина мен Ресей арасындағы шиеленіскен жағдай жаңа жыл қарсаңында да тоқтамады. Massaget.kz тілшісі Украинадағы кейінгі оқиғаларға шолу жасады.
ЕО - Украина саммиті Киевте өтеді
Еуропа Одағы мен Украина басшылары ақпанда Киевте кездеседі. Бұл туралы Украина президенті Владимир Зеленскийдің кеңсесі өкілдері мәлімдеді. Саммит барысында көшбасшылар қаржылық және әскери қолдау мәселелерін талқылайды.
Кездесуге ЕО мемлекеттері мен үкіметтерінің басшылары қатыспайды. Тек ЕО төрағасы Урсула фон дер Ляйен мен ЕО кеңесінің төрағасы Чарльз Мишель қатысады. Бұл туралы желтоқсанда Мишельдің баспасөз хатшысы хабарлады.
In the 1st call of the new year with President @ZelenskyyUa, I conveyed my wholehearted support and best wishes for 2023 to the Ukrainian people.
— Ursula von der Leyen (@vonderleyen) January 2, 2023
The EU stands by you, for as long as it takes.
We support your heroic struggle.
A fight for freedom and against brutal aggression. pic.twitter.com/sKZKilUpDg
Зеленский Ресей дрон шабуылын жоспарлап отырғанын ескертті
Украина президенті Владимир Зеленский Ресей дрон шабуылдарының ұзақ кезеңін жоспарлап отырғанын ескертті.
"Бізде Ресей "Шахид" дрондары көмегімен ұзақ мерзімді шабуыл жоспарлап отырғаны туралы ақпарат бар. Ресей ұшқышсыз ұшақтарды халқымыздың, әуе қорғанысымыздың, энергиямыздың сарқылуына қол жеткізу үшін пайдаланғысы келеді. Украина лаңкестер өз мақсатына жетпеуі үшін әрекет етіп, бәрін жасауы керек", - деді Зеленский.
Кейінгі бірнеше күнде Ресей азаматтық инфрақұрылым нысандарын жою үшін көптеген жарылғыш дронды қолданған. Бұл электр қуаты өшуіне әкеп соққан, сонымен қатар, жылыту жүйесіне де әсер еткен.
Посмотреть эту публикацию в Instagram
Киев қаза болған 500 ресейлік сарбаз туралы мәлімдеді
Украинаның Бас штабы мәліметінше, Херсон облысының оккупацияланған аудандарының артиллериялық бомбалануы салдарынан 500-ге жуық ресейлік әскери қызметші қаза тауып, жарақат алған. Бұл жағдай жаңа жыл қарсаңында басталып, 4 қаңтарға дейін жалғасқан.
"500 адам қаза тапты және жараланды", - делінген Facebook-те жарияланған жазбада.
Украина билігі Харьковта 25 азаптау лагерін тапты
Украина билігі Харьков маңы Ресей оккупациясынан босатылғаннан бері 25 азаптау лагері табылғанын мәлімдеді. Облыстық милиция бастығы Владимир Тимошконың айтуынша, Ресей әскері лагерьлерде бейбіт тұрғындарды ұстап, азаптаған. Ол Facebook-тегі жазбасында кейбір тұтқындар электр тогымен азапталғанын, ал кейбіреулердің саусақтарын сындырғанын жазған.
Ресей әскері Харьковтың айналасын бірнеше ай бойы басып алды. Ал бұл жер азат етілгеннен бері 920 бейбіт тұрғын, оның ішінде 25 бала табылған. Милиция бастығы оларды ресейлік сарбаздар өлтіргенін мәлімдеді.
Украина соққысынан қаза тапқандар саны 89 адамға жетті - РФ ҚМ
Ресей Қорғаныс министрлігі мәліметінше, Украинаның шығысындағы Ресей басып алған Донецк аумағындағы Макеевкаға Украина жасаған шабуылдан қаза тапқандар саны 89 адамға дейін жеткен. Ресей алғашында 63 адам қайтыс болғанын хабарлады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова