Тоқаев Үндістан халқына және премьер-министріне көңіл айтты
![Тоқаев Үндістан халқына және премьер-министріне көңіл айтты](/userdata/news/news_84639/image_l.jpg)
Президент Қасым-Жомарт Тоқаев Үндістан премьер-министрі Нарендра Модиге көңіл айту жеделхатын жолдады, - деп хабарлайды Massaget.kz тілшісі.
Ақорданың хабарлауынша, Мемлекет басшысы Қасым-Жомарт Тоқаев Премьер-министр Нарендра Модиге және Үндістан халқына теміржол апаты салдарынан болған қайғылы оқиғаға байланысты көңіл айтты.
"Одиша штаты, Баласор елді мекенінде болған теміржол апаты салдарынан көптеген адамның қаза тапқаны туралы суыт хабарды күйзеліспен қабылдадым. Жақындарынан айырылған отбасылардың ауыр қайғысына ортақтасып, Қазақстан халқының және жеке өзімнің атымнан көңіл айтамын. Сондай-ақ зардап шеккендердің тезірек сауығып кетуіне тілектестік білдіремін. Осындай азалы сәтте Үндістан халқымен біргеміз", – деп жазылған жеделхатта.
Үндістанның Одиша штатында жолаушылар мінген екі және бір жүк пойызы соқтығысып, 200-ден астам қаза тапты. Құрбандар мен зардап шеккендер саны әлі де өсіп жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан