Тоқаев Сума Чакрабартиге атқарған жемісті еңбегі үшін алғыс айтты
![Тоқаев Сума Чакрабартиге атқарған жемісті еңбегі үшін алғыс айтты](/userdata/news/news_88629/image_l.jpg)
Фото:
Ақорданың баспасөз қызметі
Мемлекет басшысы сэр Сума Чакрабартиді қабылдады, - деп хабарлайды Massaget.kz тілшісі Ақордаға сілтеме жасап.
Кездесу барысында Президент сэр Сума Чакрабартиге экономикалық даму мәселелері жөніндегі штаттан тыс кеңесші лауазымында атқарған жемісті еңбегі үшін алғыс айтты.
Қасым-Жомарт Тоқаев оның Реформалар жөніндегі Жоғары кеңес аясында айтқан ұсыныстары бірқатар бағдарламалық құжаттарда қолдау тапқанын атап өтті. Мемлекет басшысы сондай-ақ Сума Чакрабартидің Қазақстанның инвестициялық саясатын жетілдіруге қосқан үлесіне оң баға берді.
Өз кезегінде Сума Чакрабарти зор сенім артқаны үшін Мемлекет басшысына ризашылығын жеткізді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Д. Шәріпхан