Тоқаев Сауд Арабиясының короліне құттықтау жеделхатын жолдады
![Тоқаев Сауд Арабиясының короліне құттықтау жеделхатын жолдады](/userdata/news/news_91157/image_l.png)
Мемлекет басшысы Сауд Арабиясының короліне құттықтау жеделхатын жолдады, - деп хабарлайды Massaget.kz тілшісі Ақорданың баспасөз қызметіне сілтеме жасап.
Президент Қасым-Жомарт Тоқаев Қазақстан халқының және жеке өз атынан қос киенің сақшысы, король Салман бен Әбделазиз Әл Саудты Сауд Арабиясының Ұлттық күнімен құттықтады.
"Бүгінде еліңіз - саяси тұрғыда іргесі берік, экономикасы тұрақты, Таяу Шығыстағы үлгі тұтар мемлекет, сондай-ақ, халықаралық қауымдастықтың беделді мүшесі. Алдағы уақытта сіздің басшылығыңызбен корольдіктің дамуы баянды, мерейі әрқашан үстем болуына тілектеспін", - деп жазылған жеделхатта.
Мемлекет басшысы Сауд Арабиясы Қазақстанның Шығанақтағы сенімді серіктесі екенін айтып, екі ел арасындағы дәстүрлі достық пен жоғары деңгейдегі саяси диалогқа негізделген қарым-қатынастар одан әрі нығая беретініне сенім білдірді.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова