Тоқаев Сауд Арабиясына барды

Мемлекет басшысы Қасым-Жомарт Тоқаев One Water саммитіне қатысу үшін Сауд Арабиясына жұмыс сапарымен барды, - деп хабарлайды Massaget.kz тілшісі Ақорданың баспасөз қызметіне сілтеме жасап.

Халықаралық форум Қазақстан мен Францияның төрағалығымен, Сауд Арабиясы және Дүниежүзілік банк тобының қолдауымен өтеді.

Сонымен қатар Президент Рияд қаласында бірқатар кездесу өткізуді жоспарлап отыр.

Айта кетейік, 19 қарашада Қасым-Жомарт Тоқаев Мажарстанға мемлекеттік сапармен барды. Будапешт әуежайында Қасым-Жомарт Тоқаевты премьер-министр Виктор Орбан қарсы алды. 

Сапар аясында Мемлекет басшысы Мажарстан президенті Тамаш Шуйокпен және премьер-министр Виктор Орбанмен келіссөз жүргізіп, екі елдің саяси, сауда-экономикалық және мәдени-гуманитарлық салалардағы стратегиялық серіктестігін одан әрі дамыту перспективасын талқылады.

Аптаның басты оқиғалары мен пайдалы видеоларды көру үшін YouTube арнамызға жазылыңыз